Herwiha li gorî Rûdawê ku dispêre çavkaniyeke xwecihî ji bajarê Efrînê yê Rojava ragihandiye ku di herdu rojên borî de 2 hezar û 460 penaber ji navçeyên El Şehba û navçeyên din ên Sûriyeyê derbasî bajarê Efrînê bûne.

Xwecihên herêmî bi sedema êriş û bombebarana milîtanên rêxistina terorîst a DAIŞê ji cih û malên xwe direvin û berê xwe didin cihê ewletir. Piraniya wan koçberan, jin û zarok û kesên temen mezin in, û berê xwe dan kampên Rûbar û Şehba yên ku li bajarokê Şîrawa ne.

Weke tê zanîn beşeke zêde ya wan koçberan ji navçeyên El Şehba (Bab, Cerabulus, Ezaz) û Tebqa û Reqayê ne.