1. HABERLER

  2. GÜNCEL

  3. Di Salvegera Rojnamegeriya Kurdî de Rewşa Rojnamegeriyê li Tirkiyê
Di Salvegera Rojnamegeriya Kurdî de Rewşa Rojnamegeriyê li Tirkiyê

Di Salvegera Rojnamegeriya Kurdî de Rewşa Rojnamegeriyê li Tirkiyê

Îro 119’emîn Salvegera Rojnamegeriya Kurdî ye. Di nav du salan de li Tirkiyê zext û zordariya li ser rojnamegeriyê giran bûye.

A+A-

Cemiyeta Rojnamevanê Azad li Amedê, li ser zextên rojnamegeriyê rapora salane û ya çar mehan amade kir.

Li gorî raporê di 2 salên dawî de zextên li ser çapemeniya kurdî û ya muxalif zede bûne. Tenê di sala 2016’an de ajansên nûçeyan ên wekî DÎHA, JINHA û rojnameyên wekî Ozgur Gundem, Azadiya Welat û Cumhuriyet û bi dehan weşanên din rastî zext û girtinan hatine.

Li gorî raporê:

- DÎHA piştî 48 caran hat sansurkirin, astengkirin û herî dawî bi biryara KHK’ê re hat girtin.

- JINHA jî dîsa piştî sansurkirina 12 caran hat girtin.

- Li gorî daneyên roj bi roj di sala 2016’an de bi giştî li Cihanê 17 rojnameger hatin kuştin.

- Li Tirkiyê 352 rojnameger hatin binçavkirin, ji vana 109 rojnameger hatin girtin. Di sala 2016’an de bi giştî hêjmara rojnamegerên girtî gihişt 146’an.

- Di salekê de 318 weşanên çapemeniyê hatin girtin û astengkirin.

- Ji vana 88 rojname, 17 kovar, 30 weşanxane, 5 ajansên nûçeyan, 120 Radyo-tv, 58 malperên nûçeyan ên internetê hatin girtin.

- Tenê di serdema OHAL’ê de 28 tv, 32 radyo, 51 rojname, 17 kovar, 30 weşanxane, 5 ajansên nûçeyan hatine girtin.

- 780 kartên çapemeniyê yên rojnamegeran hatin betalkirin.

- Di vê pêvajoyê de herî kêm 66 rojnameger dema hatin binçavkirin rastî lêdan û neheqiyê hatin.

- 6 rojnameger jî dema nûçe dişopandin rastî lêdan û neheqiyan hatin.

- Herî kêm 180 rojnameger di şopandina nûçeyan de rastî gefên devkî hatin.

- Herî kêm pasaportên 49 rojnamegeran hatin betalkirin.

- Weşanên çapemeniyê 829 caran hatin astengkirin.

- 42 rojnameger rastî êrîşan hatin.

Di 3 meh û 20 roj (110) rojên dawî de jî:

- Neha bi giştî li Tirkiyê 166 rojnameger girtî ne.

- Din av çar mehan de 82 rojnameger hatin binçavkirin, 17 rojnameger hatin girtin, di heqê 35 rojnamegeran de lêpirsîn hat destpêkirin, 9 rojnameger rastî êrîşê hatin, di heqê 6 rojnamegeran de doz hat vekirin, li 30 rojnamegeran ceza hat birin, 2 rojnameger hatin dersînorkirin.

Hun di dirêjayiya raportê de dikarin nêrînên Hevserokê Cemiyeta Rojnamegeriya Azad Haqi Bolqan guhdar bikin li ser rojnamegeriya Kurdî û bernama ku jibo salvegerê amade kiribûn.

Herwisa di dewamiyê de hun dikarin guhdariya Rojnamevan Aziz Oruç bikin ku ew jî behsa zextên li ser rojnemegeriyê û rewşa heyî ya Li Tirkiyê dike.

HABERE YORUM KAT

UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.