Li gor daxuyaniya ku ji aliyê parêzgariyê ve hatiye weşandin, bi hinceta asayîş û ewlekariyê pêkanîna gelek cureyên çalakiyan li bajêr hatin qedexekirin.

Parêzgariyê diyar kir, bi hinceta dabînkirina ewlekarîya giştî ya bajêr, parastina asayîşa giştî û pêşîgirtina bûyerên tundiyê yên têne pêşbînîkirin, qedexekirina hejmarek cureyên çalakiyan hatine ragihandin.

ÇANDINA ŞITLAN JÎ HAT QEDEXEKIRIN

Di nav wan çalakiyên hatine qedexekirin de, daxuyaniyên çapemeniyê, meş û xwepêşandanên cemawerî, mîting, vedana konan û herwiha çandina şitlan jî heye.

Qedexeya parêzgariyê ya wan cureyên çalakiyan dê ji 21ê Nîsanê heta 5ê Gulanê berdewam bike.