1. HABERLER

  2. POLİTİKA

  3. Li Heftenînê 2 serbazên Tirkiyê hatin kuştin
Li Heftenînê 2 serbazên Tirkiyê hatin kuştin

Li Heftenînê 2 serbazên Tirkiyê hatin kuştin

Li aliyekê din, Wezareta Berevaniya Tirkiyê diyar kiriye, ku operasyona Çengê Piling a di nav axa Herêma Kurdistanê de li dijî PKKê berdewam e.

A+A-

Wezareta Berevaniya Tirkiyê ragihand, di êrîşeke PKKê de li navçeya Heftenînê ya di nav axa Başûrê Kurdistanê de, du serbazên wî welatî hatine kuştin û serbazek jî birîndar bûye.

Wezareta Berevaniya Tirkiyê ragihandiye, li navçeya Heftenînê gerîlayên PKKê duh Pêncşemê 17ê Îlonê êrîşeke bi rokêt li dijî binkeyeke serbazî ya artêşa Tirkiyê pêk anîne.

Li ser hesabê xwe yê twitterê, Wezareta Berevaniya Tirkiyê dibêje, di wê êrîşa PKKê de 2 serbazên artêşa Tirkiyê hatine kuştin û serbazek jî birîndar bûye.

Wezareta Berevaniya Tirkiyê nasnameya serbazên kuştî jî belav kiriye û ragihandiye, Harun Aslan û Çavuş Gokhan di êrîşê de jiyana xwe ji dest dane.

Derbarê vê êrişê de Hêzên Parastina Gel (HPG) ku baskê çekdarî yê PKKê ye, hêj ti daxuyanî nedaye.

Li aliyekê din, Wezareta Berevaniya Tirkiyê diyar kiriye, ku operasyona Çengê Piling a di nav axa Herêma Kurdistanê de li dijî PKKê berdewam e.

Artêşa Tirkiyê ji rojên 15 û 16ê Hezîrana îsal ve dest bi operasyonên esmanî û bejayî yên bi navên Çengê Baz û Çengê Piling li dijî PKKê kir û hêzên xwe derbasî navçeyên sînorî yên Herêma Kurdistanê kirin.

Di çarçoveya operasyonê de heta niha hêzên Tirkiyê li 24 cih û bilindahiyên stratejîk ên di nav axa Başûrê Kurdistanê de bicih bûne.

HABERE YORUM KAT

UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.